ALÞINGI - VANHELGAÐ HÚS

Á Alþingi starfa 63 þingmenn sem skipta á í stuðningsmenn ríkisstjórnar og stjórnarandstöðu. Innan stuðningsliðs ríkisstjórnar er alla ríkisstjórnina að finna.     Ég vil hins vegar skipta þeim öðruvísi:

•  Þjóðníðingar og landráðamenn: meðlimir ríkisstjórnar og nánustu samstarfmenn þeirra s.s. seðlabankastjóri, forstjóri FME, o.fl. sem horft hafa upp á landið hrynja, fjárhagslega og í mannorði og með aðgerðum sínum og aðgerðarleysi hafa látið hina seku sleppa og jafnvel hjálpað þeim.
• Landráðamenn:  Almennir þingmenn ríkisstjórnar sem hafa varið hana falli þrátt fyrir augljósan vilja þjóðarinnar til að hún fari frá völdum ásamt öllu sínu spillingarliði.
• Svika- eða þjófsnautar:  Stjórnarandstöðuþingmenn sem með setu sinni á Alþingi hafa gerst meðsekir í spillingunni, lygunum, yfirhilmingunni, vanhæfninni og aðgerðarleysinu.    

  Allir þessir menn ættu að yfirgefa Alþingi með skömm því þeir eru búnir að vanhelga það og þjóðina, margbrjóta stjórnarskrána með því að samþykkja lög sem brjóta í bága við hana og með því að umlíða lygar, svik og spillingu sem út yfir allan þjófabálk gengur.

Að þingmenn stjórnarandstöðu skuli ekki fyrir löngu hafa sagt af sér sýnir svo ekki verður um villst að þeir eru samsekir og hefja sig ekki upp úr því spillingardýki sem einkennir þingliðið núna - eða réttar sagt hefur nú verið opinberað. 

Ragnar    

 

Athugasemdir

[Ellismellur (IP-tala skráð) 6.12.2008 kl. 14:27]

Ragnar, hver sem þú ert: Getum við borið það upp á Vinstri græn, að þau séu samsek? Ég þarf góð rök fyrir því, verð að segja það.

[Rósa (IP-tala skráð) 6.12.2008 kl. 15:03]

Ég vil taka undir þetta með þér Ragnar. Þetta fólk á allt að fara. Það þarf nýtt fólk með nýja hugsun þarna inn. Fólk, sem ekki hefur tekið þátt í þeirri spillingu, sem þingmenn úr öllum flokkum hefur tekið þátt í. Dæmi: Þingmenn úr öllum flokkum fluttu frumvarp til laga um rannsóknarnefnd um bankahrunið þar sem kveðið er á um hæstaréttardómara í nefndina. Allir vita að hæstaréttardómarar geta bara verið flokksbundnir sjallar. Rækilega á að passa upp á það að enginn frjálst hugsandi (úr háskólaumhverfinu óflokksbundinn) sé hafður með í þessa nefnd! Þetta veldur því að ekki er traustvekjandi fyrir okkur né erlenda aðila, sem fylgjast með því hvað er að gerast hér.

[Ragnar Eiríksson, 6.12.2008 kl. 22:38]

Sæll ellismellur!

Það er auðvelt að sanna að allir þingmenn eru samsekir, Vinstri Grænir jafnt sem aðrir.     Alþingi starfar og í skjóli þess starfar ríkisstjórnin.    Það er ekki hægt að skorast undan þeirri ábyrgð þó maður sé alltaf að greiða atkvæði á móti!     Í þessu tilfelli felst ábyrgð þingmanna í að sitja - með því að segja af sér þingmennsku axla þeir ábyrgð og segja sig jafnframt frá  ábyrgð á gjörðum ríkisstjórnarinnar!   Ef allir stjórnarandstöðuþingmenn segðu af sér og tryggðu jafnframt að engir varamenn tækju sæti þeirra mundi þingið samt vera starfhæft - en fyndist þér það ekki snautlegt þing og mundi það ekki vekja athygli bæði innanlands og utan?!   Nú starfa þessir menn í nefndum og ráðum og gera í raun ekkert gagn - hvaða vit heldurðu að verði t.d. í fjárlagafrumvarpinu við núverandi aðstæður!     Ekkert!  Svo það má sko alveg bíða fram yfir kosningar sem ættu að fara fram sem fyrst en ekki miðast við hvað Landsfundur hins agnarsmáa Sjálfstæðisflokks eða Geir segir!     Aðeins 2 þingmenn hafa sagt af sér, Guðni og Bjarni Harðar. og báðir gerðu þeir það vegna vandamála í Framsókn en ekki af því þeim ofbyði spillingin, lygin, svikin, þjófnaðurin og sérhagsmunagæslan sem komið hefur í ljós eftir hrunið.     Af hverju eru Þorgerður Katrín og Árni dýralæknir ekki búin að gera grein fyrir fjármálum  sínum og fjármálasukki.  Er "Sjö hægri" heilagt vé?      Af hverju er eiginmaður Þorgerðar enn að vinna í sama banka og áður?     Af hverju er Tryggvi Jónsson, dæmdur glæpamaður að vinna í eða fyrir ríkisbanka?      Af hverju skrökvaði Geir um norska aðstoðarmanninn - þeir sem ljúga í hinu smáa, ljúga mjög líklega um hið stóra líka!

Að þessu sögðu skal ég viðurkenna að ég hef verið Vinstri Grænn og ef einhverjir eiga að fá að sitja þá eru það þingmenn þeirra og Frjálslyndra.   Grétar Mar er alla vega sá eini sem ég hefi séð á mótmælafundi.       Steingrímur og Ögmundur hafa að mörgu leyti farið á kostum - en þeir bera samt ábyrgð á ríkisstjórninni með setu sinni.     Þess vegna mun ég kjósa annað ef einhver vænlegur kostur kemur upp.     Það virðist vara engin framboð vera í uppsiglingu - en það er kanske af því það geta verið 2-3 ár í kosningar og allavega ekkert fararsnið að sjá á þessari þaulsætu og óvinsælu stjórn! 

Kveðja,

Ragnar