Lúðvík B. - sekur uns sýkn er sönnuð!

Nú hef ég verið með meira og minna bilað nettölvutengi í um hálfan mánuð en vona að það sé komið í lag.

 

Lúðvík Bergvinsson alþm. skrifar grein í Mbl. 22. des. 2008 undir yfirskriftinni "Sekur uns sakleysi er sannað." þar sem hann er að árétta þá mikilvægu réttarreglu að hver maður sé sýkn uns sekt er sönnuð.     Nú er það svo að ég er ekki viss um að við upplifum nú að hér sé RÉTTARRÍKI og er reyndar handviss um að svo er ekki!     Lúðvík segir áfram: "Hvorki fjármálakreppa, reiði og úlfúð réttlæta að horfið sé frá þessari réttarreglu."      Hvað með LYGAR, SVIK, UNDIRFERLI, ÞÖGGUN, EINKAVINABJÖRGUNARAÐGERÐIR, AÐGERÐARLEYSI, TÓMLÆTI, HÖFNUN, ÁBYRGÐARLEYSI, VANHÆFNI Í STARFI, o.fl., o.fl.   - ALLT UNDIR BORÐINU OG HELST TEPPINU LÍKA!     Allt þetta hefur þjóðin upplifað þær 11 vikur - SJÖTÍUOGFIMM DAGA - síðan hrun bankanna varð.     Ég ætla ekki að tíunda dæmi um þetta en skal þó nefna smá dæmi um lygar - þegar Geir H. Haarde var að ræða um hinn norska blaðafulltrúa sinn og reyna að skýra af hverju hann þyrfti að hafa einhvern hermálafræðing þarna, sagði m.a. að hann ætti að tala við erlenda blaðamenn , sem sá norski bar til baka strax daginn eftir.   Lítið mál en segir allt um sannleiksástina!      Og hvernig er með niðurfellingu skulda bankastarfsmanna vegna hlutabréfakaupa- málið er búið að vera á þöggunarstigi í margar vikur - voru skuldirnar felldar niður - eða ekki?      Þannig má fara áfram gegnum þessa raunasögu,   skipanin í skilanefndirnar og starf þeirra, jafnvel í andstöðu við ríkisstjórn, þættir endurskoðendafyrirtækja eins og KPMG sem rýrt hefur mannorð sitt niður í skóvarp, starfsemi FMI sem er hneisa, bæði fyrir og eftir hrun.

ÞETTA ER SÁ GRUNNUR SEM GRÓUSÖGURNAR SPRETTA UPP Í.     LITIÐ ER Á ÞÆR SEM VONT FYRIRBÆRI OG ANDSTÆTT RÉTTARRÍKINU.     Það á bara ekki við hér því við búum í BANANALÝÐVELDI sem er sennilega svo spillt að önnur bananalýðveldi vilja jafnvel  ekki gangast við okkur!    Enda ekki óeðlilegt því við teljum okkur vera - og erum vonandi - velferðarríki sem hefur toppað alla hugsanlega velferðarmælingarlista!     En sökum upplýsingaskorts verða gróusögurnar aflvaki skoðanamyndunar og því miður nokkuð mikillar alhæfinga.    EN ÞÆR ERU UPPI Á BORÐINU, eitthvað  SEM EKKI ER HÆGT AÐ SEGJA UM LEYNIMAKKIÐ HJÁ STJÓRNVÖLDUM.    Með því að svara gróusögunum með staðreyndum er þeim feykt út af borðinu!    Ég sé að á vef Samfylkingarinnar er lýst yfir algeru sakleysi samfylkingarþingmanna í allri spillingu samkvæmt þeim sjálfum!     Hefði ekki verið eins gott að fá aflátsbréf frá páfanum???   Það er svona álíka sannfærandi og svona yfirlýsing!       

Þú nefnir Sullenberger, Egil Helgason og skútuna Thee Wiking í grein þinni.    Ég fellst á það með þér að Egil langaði til að bendla þig þar við eitthvað gruggugt og spurði af áfergju en Sullenberger stóðst prófið og þú einnig!   

En nú skulum við koma að Gróusögunum!   Þú segir sjálfur að þú hafir átt hlut í einu fasteignafyrirtæki.     Það hefur hins vegar verið sagt að þú hafir átt í ýmsum fasteignaviðskiptum á liðnum árum og eigir hlut í ýmsum fyrirtækjum, Eykt hf, Eykt íbúðir ehf, Fasteign ehf., og Miðkletti ehf og að vegna þessara fyrirtækja hafirðu fengið niðurfelldar/afskrifaðar skuldir upp á jafnvel 5.000 milljónir auk þess að hafa fengið lán hjá Landsbankanum gamla á vildarkjörum hjá Björgólfunum.      Satt eða ósatt?      Neitun er ekki nóg - þetta þarf hlutlaus aðili að staðfesta að sé ósatt.     Þú ert hins vegar ekki einn á báti, síður en svo!     Það er engan veginn nóg að Sif Friðleifsdóttir segist ekkert hagstætt lán hafa fengið upp á 75 milljónir til að kaupa hlutabréf í deCODE, það þarf staðfestingu á að þetta sé ekki rétt, neitun ein dugar ekki!    Þorgerður Katrín hefur staðfastlega haldið fram að engar skuldir þeirra hjóna hafi verið afskrifaðar en samt liggur í loftinu sá orðrómur að verið sé að gera það.     Hér duga engar sögur um veikindi barna til að dreifa athyglinni, málið er að Kristján fékk hlutabréf - skuldin var færð í eignarhaldsfélag og nú eru þær e.t.v. að hverfa - og enn starfar Kristján sem yfirmaður, nú  í nýja bankanum! Er það eðlilegt?   Hvað er að gerast - er verið eða er búið að afskrifa skuldir yfirmanna Landsbankans?      Fá aðrir að njóta þess sama?     Meðan þessum spurningum er ekki svarað eru Gróusögurnar réttmætar og uppi á borðinu.    Afsannið þær með því að leggja spilin á borðið!    Hér hafa 3 þingmenn verið nefndir til sögunnar en vafalaust mætti nefna fleiri.     Það verður að gera greinarmun á almenningi og ykkur sem eruð þjóðkjörnir og eigið að bera ábyrgð samkvæmt því.   Kjörnir þingmenn eiga eiga að vera bundnir af samvisku sinni einni saman en ekki þjónkun við auðvald eða flokka og allra síst að misnota aðstöðu sína sér til framdráttar.             

Athugasemdir

[Rósa (IP-tala skráð) 25.12.2008 kl. 00:28]

Flott.

[Árni Gunnarsson, 25.12.2008 kl. 18:07]

Éh held að fólk ætti að hunskast til og lesa þessa pistla þína Ragnar. En auðvitað eru þeir þess efnis að þeir eru ekki látnir fúna á forsíðunni.

[Ragnar Eiríksson, 25.12.2008 kl. 22:48]

ERu pislarnir fjarlægðir viljandi - eins og þessi t.d. síðan í gær - hann er horfinn?    Fyndið     Eru Lúðvík eða Þorgreður Katrín á línunni?????    Djöfulsins ritskoðunarhyski!

Það fékk nú samt bara helminginn af því sem ég ætlaði að skrifa og ég skrifa undir fullu nafni svo það getur svarað ef það vill - eða saksótt mig!!!

Ragnar