"........ - nennir ekki einusinni að ríða konunni þinni!!!"

Horfði á part af einhverri James Bond þvælu í kvöld í danska sjónvarpinu.    Skipti svo yfir á það íslenska og sá hálfnakta konu koma hlaupandi út úr húsi og skreppa í hjólreiðatúr út á tún (að fara svona með óslegið tún!).  Hún datt og konan hljóðaði: "........ - nennir ekki einusinni að ríða konunni þinni!!!"      Ég bara slökkti í flýti - betra er að bera út Gróusögur sem ólyginn segir en horfa á svona lagað - altsvo fyrir minn smekk.

 Eftirfarandi tilvitnun tók ég án leyfis af síðunni www.vald.org  af því mér finnst þetta og reyndar öll greinin eiga erindi til fólks.

-------------------------------------------------

[18. desember 2008] Félagslegt réttlæti og pólitískt siðgæði eru hlutir sem erfitt er að festa í lög. Þetta eru dyggðir sem blunda í einstaklingnum og liggja í þjóðarsálinni. Það ber vott um virðingarleysi og jafnvel mannvonsku þegar þessar dyggðir eru algjörlega hunsaðar. Embættismenn sváfu á vaktinni í brúnni. Hér hrundi hagkerfið til grunna og enginn sem ber ábyrgð sér ástæðu til þess að segja af sér. Það er greinilega grunnt á pólitísku siðgæði á þessu landi.

Þegar yfirgnæfandi meirihluti fólksins í þessu svokallaða lýðræðislandi krefst kosninga þá bera ráðamenn fyrir sig ótrúlegustu afsökunum. Þeir segja að björgunarstarfið kalli á alla krafta þeirra og kosningabarátta yrði því of tímafrek. Við vitum þó öll að fjöldi alþingismanna hefur í gegnum tíðina verið á launaskrá fyrirtækja og stofnana út um allan bæ á meðan þeir gegna þingstörfum. Fólkið sem skúrar Alþingishúsið ætti að reyna að mæta jafn skrykkjótt á vinnustað!

Stjórnmálamenn eru á háum launum og enn betri eftirlaunum. Hvers vegna segja þeir ekki upp aukastörfunum og mæta til kosninga í vor?

Hvað segir það um okkur sem manneskjur og hvers konar félagslegt réttlæti er það að gera þúsundir einstaklinga sem skulda verðtryggð lán eignalausa á einn svipstundu. Og stela þannig afrakstri margra ára vinnu af þessu fólki? Þetta er gert á sama tíma og varla er hróflað við þeim sem rústuðu öllu kerfinu. Fólkið sem á undanförnum árum hefur verið að kaupa allt of dýrt húsnæði—þökk sé m.a. verðtryggingunni sem stórhækkar allt fasteignaverð—og hefur unnið myrkranna á milli á enga sök á gengisfellingum, okurvaxtastefnu eða spillingu í bankakerfinu. Nú á að leysa efnahagsvandan m.a. með því að leiða þennan hóp í sláturhús.

------------------------------------------------------

Þarna er smá misskilningur í orðavali þegar Jóhannes segir  "grunnt á pólitísku siðgæði".      Hann á vafalítið við að djúpt sé á því og reyndar held ég að það bara finnist alls ekki!     HVERGI!   

Fyrir hrunið hélt ég í einfeldni minni að fólk væri almennt heiðarlegt og samviskusamt og með tiltölulega hátt siðgæðismat, við hefðum góð, en stundum mistæk stjórnvöld sem væru að höndla með hluti sem þau kynnu og hefðu auk þess hóp sérfræðinga sér til ráðgjafar!       Svo kom hrunið og ræðan hjá Geir H. Haarde forsætisráðherra sem endaði á "...Guð blessi Ísland."        Þá var ég alveg viss um að daginn eftir kæmi afsagnarbeiðni ríkisstjórnarinnar sem tæki ábyrgð á að þetta hefði skeð á hennar vakt, sýndi pólitískt siðgæði, burtséð frá hverjum þetta var að kenna.    Tillögur um skipun þjóðstjórnar, samræður við stjórnarandstöðu um aðstoð hennar og um kosningar sem fyrst!     En hvað skeði?    Ekki neitt!   Ekki neitt!   Ekki neitt.!    EKKI NEITT!

Nei, Geir sagði að ekki mætti rugga bátnum, ekki skipta um hest í miðri á, ekki leita að sökudólgum, við værum öll sek og ég veit ekki hvað!     Þvílíkt áfall fyrir þessa barnalegu trú mína að þetta væri heiðarlegt fólk með mikla siðgæðisvitund.   Ja hérna.     Geir hefur meira að segja gengið svo langt að segja að hans persónulega ábyrgð sé engin en hann muni sætta sig við dóm nefndar sem skipa á að hans tilstuðlan.     Hvar er hið persónulega siðgæði og ,ef því er að skipta hið pólitíska siðgæði og hvað með pólitíska ábyrgð - er hún líka engin?     Af nefnd þessari er strax komin pólitísk nálykt því rætt hefur verið um að skipa Pál Hreinsson lögfræðing formann en Gunnar Axel Axelsson hefur einmitt á bloggi sínu í gær bent á hvernig Páll var fenginn til að sérsmíða lögfræðiálit um sparisjóði sem þóknaðist Viðskiptaráði og Pétri Blöndal alþm.  og sem fylgt var við lagasetningu án þess að aðrir til þess bærir fjölluðu um það.   Nú eru sparisjóðirnir að dauða komnir og ég var að enda við að hlusta á frétt um að sennilega yrðu 3-4 sparisjóðir eftir þegar ríkisstjórnin hefði bjargað - ja bjargað hverju - gjaldþrota hræjum!!!

Ég er að hugsa um að setja þetta inn núna á bloggið því ég hef tekið eftir að pistlarnir mínir hverfa jafnvel eftir aðeins 12 tíma og þá er eins gott að skrifa bara framhaldssögu og vera ekki að stressa sig

Í dönsku blöðunum stendur: "fortsættes i næste nummer"! 

AMX heldur að EKG geti leiðbeint FME um afskriftir Baugs og Milestone!

"Fréttastofa AMX" vitnar í jólablogg Einars K Guðfinnssonar sjávarútvegsráðherra og segir eftirfarandi:   

„Það er skylda okkar sem stjórnvalda og það er skylda þeirra eftirlitsstofnana sem við höfum á að skipa, að fylgjast afar vel með þeim ákvörðunum sem teknar verða á næstunni. Allar ákvarðanir sem teknar eru og teknar verða og varða fjárhagslegt uppgjör, eiga að vera hafnar yfir allan vafa. Almenningur á heimtingu á því að þar verði unnið faglega og án mismununar. Í þeim efnum verða engir Jónar og séra Jónar. Hér eiga einfaldlega allir Jónar að vera jafnir. Hér gildir að ferlið sé gagnsætt og leikreglurnar almennar.“

Svo segir AMX:

"Skilanefndir bankanna hljóta að taka orð ráðherrans alvarlega. Bankastjórar nýju bankanna hljóta að skilja hvað í þeim felst. Forstjóri Fjármálaeftirlitsins gerir sér grein fyrir því pólitíska loforði sem í orðum Einars Kristins felst. Smáfuglarnir bíða eftir því að sjá hvernig Einar Kristinn ætlar að tryggja að Milestone og Baugur Group, verði settir við sama borð og Jón og Gunna."

Ég spyr bara:  Hefur sjávarútvegsráðherra eitthvað með Baug og Milestone að gera?      Við vitum hins vegar að hann hefur eitthvað með innköllun kvóta gjaldþrota útgerða sem hafa veðsett hann upp fyrir báða borðstokka og heimta nú niðurfellingu.      Verður slíkt látið viðgangast og ef kvóti verður aukinn verður viðbótinni þá úthlutað til þessara sömu gjaldþrota útgerða í stað þess að úthluta honum til þjóðarinnar og þurfandi byggðalaga eins og meirihluti þjóðarinnar vill?     Að ráðherra getur svo lagst á árar gegn Baugs- og Milestone- svindlinu er svo annar handleggur en ábyggilega er til of mikils mælst að FME sjái eða skilji fram yfir nefbroddinn á sér!

Svona í framhaldi af þessu - ég tók eftir því þegar ég var að skoða Bloomberg fréttavefinn á Þorláksmessu að Straumur-Burðarás var með þriðju hæstu veltu í Evrópu þann daginn - var einhver að gefa í skóinn eða jafnvel góða jólagjöf 64 mill Euro (eða dollara?)? (Ég er reyndar ekki heldur viss um hvað tölurunan var löng, milljónir eða milljarðar -ég gekk bara út frá því seinna, ekki talað um minna hér!) en það voru rauðar tölur aftan við! 

Ragnar

Háttvirtur, hæstvirtur eða venjulegur

Ég  get ekki gert eins og Geir H. Haarde slappað af og lesið glæpasögur!   Því hef ég öðru hvoru horft á sjónvarp frá Alþingi en það er ekki hægt að gera mjög lengi í senn m.a. sökum þessara sífelldu endurtekninga.    Þannig held ég að i umr. um fjárlög hafi Ögmundur í góðri ræðu  nefnt bréf til heilbrigðisstofnana um 10 % flatan niðurskurð hið minnsta  3-4 sinnum í sinni ræðu - og svo kom Guðlaugur heilbrigðisráðherra víst á eftir og sagði að þetta væri bara alls ekki satt.   Það var vel eftir miðnætti kl. 030 eða meira.    Núna rétt í þessu(16/12, kl 1945) opnaði ég svo aftur fyrir Alþingissjónvarpið og svei mér ef Ögmundur er þá ekki að mótmæla Guðlaugi Þór og sýnir fram á að hann fer vísvitandi með ósannindi um þetta!      Þetta er nú meira liðið!    

Þetta átti þó ekki að vera málið hjá mér - það er gott að líta á smáatriðin þegar maður er reiður og sár.

Ég hélt í fávisku minni að í Þingsköpum Alþingis eða Stjórnarskrá væri kveðið á um smæstu atriði í starfi þingsins.     Þetta var ég að skoða af því mér finnst að þingheimur sé að setja sig skör ofar almenningi í talsmáta og klæðaburði.     En það kom sem sé í ljós að þessi atriði hafa ekkert með þingsköp eða stjórnarskrá að gera heldur eru skráð í bókarkorn er nefnist "Háttvirtur þingmaður" sem kennir mönnum "þingmannasiði".        Þar eru eftirfarandi klausur um málið:

Löng hefð er fyrir formlegum og snyrtilegum
klæðnaði þingmanna við þingstörfin, í þingsalnum
og á fundum þingnefnda. Venjan er
að karlmenn séu í jakka og með hálsbindi,
en meiri fjölbreytni er í klæðnaði kvenna.

Það er föst þingvenja að alþingismenn eru ávarpaðir á
þingfundum „háttvirtur þingmaður“ („háttvirtur 11. þingmaður
Suðurkjördæmis“, „háttvirtur þingmaður Jóna Jónsdóttir“)
og hafa forsetar jafnan gert athugasemdir ef út af er brugðið.
Á sama hátt er föst venja að ávarpa ráðherra „hæstvirtur ráðherra“
(„hæstvirtur forsætisráðherra“ t.d.).
Forsetar eru ávarpaðir „herra forseti“ eða „frú forseti“ eftir því
hvort í forsetastól situr karl eða kona. Enn fremur má nota ávarpið
„forseti“ og „hæstvirtur (-i) forseti“, en síður „virðulegur (-i) forseti“og alls ekki „háttvirtur (-i) forseti“.

 Margt breytist á löngum tíma og í mörgum tilfellum er það ágætur siður að laga sig að háttum samtímans en vera ekki eins og sauður aftan úr forneskju.     Það á ekki síst við um klæðaburðinn.  Að gefa konum meira frjálsræði en sé ekki vilji til að breyta þessu þá á að minnsta kosti að gera þá kröfu að konur haldi jómfrúræðuna á evuklæðunum einum fata.   Það mundi tryggja sjónvarpsáhorfið þann daginn.

Hvað virðingu þingmanna áhrærir þá höfðu þeir í þann tíma óskoraða virðingu fólksins og þeim var treyst.     Þá var flokkamyndun ekki jafn sterk og nú þannig að menn höfðu sannfæringu og fylgdu henni oft.     Nú er engu slíku til að dreifa, virðing almennings fyrir Alþingi er að engu orðin sem og virðing fyrir alþingismönnum sem fólk sér nú að eru bara aftaníossar flokka sinna og skeyta hvorki um skömm né heiður.      Þetta sýna allar skoðanakannanir svo ekki verður um villst.    Væri því ekki óeðlilegt að þeir tækju upp íslenskt mannamál,  og hættu að há- og hæstvirða hvor annan - það má vera kurteis án þess - og kostar ekki neitt.      Annar ósiður er að þingmenn mega ekki ávarpa þá eða þann sem þeir tala við heldur skulu beina orðum sínum til þingforseta!      ÞESS VEGNA KEMUR Í TÍMA OG ÓTÍMA SETNINGIN "HÆSTVIRTUR FORSETI"  - það er þegar menn fara út af sporinu og byrja að skamma ríkisstjórnina eða einstaka þingmenn beint eða ef þeir hafa tapað þræðinum  - er þá ekki þögnin betri?  

Vinnutímalöggjöfin er ekki í miklum hávegum höfð á Alþingi.     Hér þarf að verða breyting á og er það lágmark að lög um vinnutíma vörubílstjóra verði látin gilda á Alþingi líka nema að viðurlög við brotum verði tvöfölduð á þingmenn og fjórfölduð á sitjandi forseta á hverjum tíma!    Þessir menn eru að véla um örlög þjóðarinnar eða mjög umdeild mál og þeim (myrkraverkunum) er oftast eða ævinlega skipaður tími "eitthvað út í nóttina" þegar menn eru meira og minna meðvitundarlausir, samanber eftirlaunalög hin fyrri og síðari og síðustu fjárlög!    

Með kveðju,

Ragnar Eiríksson

 

 

Lúðvík B. - sekur uns sýkn er sönnuð!

Nú hef ég verið með meira og minna bilað nettölvutengi í um hálfan mánuð en vona að það sé komið í lag.

 

Lúðvík Bergvinsson alþm. skrifar grein í Mbl. 22. des. 2008 undir yfirskriftinni "Sekur uns sakleysi er sannað." þar sem hann er að árétta þá mikilvægu réttarreglu að hver maður sé sýkn uns sekt er sönnuð.     Nú er það svo að ég er ekki viss um að við upplifum nú að hér sé RÉTTARRÍKI og er reyndar handviss um að svo er ekki!     Lúðvík segir áfram: "Hvorki fjármálakreppa, reiði og úlfúð réttlæta að horfið sé frá þessari réttarreglu."      Hvað með LYGAR, SVIK, UNDIRFERLI, ÞÖGGUN, EINKAVINABJÖRGUNARAÐGERÐIR, AÐGERÐARLEYSI, TÓMLÆTI, HÖFNUN, ÁBYRGÐARLEYSI, VANHÆFNI Í STARFI, o.fl., o.fl.   - ALLT UNDIR BORÐINU OG HELST TEPPINU LÍKA!     Allt þetta hefur þjóðin upplifað þær 11 vikur - SJÖTÍUOGFIMM DAGA - síðan hrun bankanna varð.     Ég ætla ekki að tíunda dæmi um þetta en skal þó nefna smá dæmi um lygar - þegar Geir H. Haarde var að ræða um hinn norska blaðafulltrúa sinn og reyna að skýra af hverju hann þyrfti að hafa einhvern hermálafræðing þarna, sagði m.a. að hann ætti að tala við erlenda blaðamenn , sem sá norski bar til baka strax daginn eftir.   Lítið mál en segir allt um sannleiksástina!      Og hvernig er með niðurfellingu skulda bankastarfsmanna vegna hlutabréfakaupa- málið er búið að vera á þöggunarstigi í margar vikur - voru skuldirnar felldar niður - eða ekki?      Þannig má fara áfram gegnum þessa raunasögu,   skipanin í skilanefndirnar og starf þeirra, jafnvel í andstöðu við ríkisstjórn, þættir endurskoðendafyrirtækja eins og KPMG sem rýrt hefur mannorð sitt niður í skóvarp, starfsemi FMI sem er hneisa, bæði fyrir og eftir hrun.

ÞETTA ER SÁ GRUNNUR SEM GRÓUSÖGURNAR SPRETTA UPP Í.     LITIÐ ER Á ÞÆR SEM VONT FYRIRBÆRI OG ANDSTÆTT RÉTTARRÍKINU.     Það á bara ekki við hér því við búum í BANANALÝÐVELDI sem er sennilega svo spillt að önnur bananalýðveldi vilja jafnvel  ekki gangast við okkur!    Enda ekki óeðlilegt því við teljum okkur vera - og erum vonandi - velferðarríki sem hefur toppað alla hugsanlega velferðarmælingarlista!     En sökum upplýsingaskorts verða gróusögurnar aflvaki skoðanamyndunar og því miður nokkuð mikillar alhæfinga.    EN ÞÆR ERU UPPI Á BORÐINU, eitthvað  SEM EKKI ER HÆGT AÐ SEGJA UM LEYNIMAKKIÐ HJÁ STJÓRNVÖLDUM.    Með því að svara gróusögunum með staðreyndum er þeim feykt út af borðinu!    Ég sé að á vef Samfylkingarinnar er lýst yfir algeru sakleysi samfylkingarþingmanna í allri spillingu samkvæmt þeim sjálfum!     Hefði ekki verið eins gott að fá aflátsbréf frá páfanum???   Það er svona álíka sannfærandi og svona yfirlýsing!       

Þú nefnir Sullenberger, Egil Helgason og skútuna Thee Wiking í grein þinni.    Ég fellst á það með þér að Egil langaði til að bendla þig þar við eitthvað gruggugt og spurði af áfergju en Sullenberger stóðst prófið og þú einnig!   

En nú skulum við koma að Gróusögunum!   Þú segir sjálfur að þú hafir átt hlut í einu fasteignafyrirtæki.     Það hefur hins vegar verið sagt að þú hafir átt í ýmsum fasteignaviðskiptum á liðnum árum og eigir hlut í ýmsum fyrirtækjum, Eykt hf, Eykt íbúðir ehf, Fasteign ehf., og Miðkletti ehf og að vegna þessara fyrirtækja hafirðu fengið niðurfelldar/afskrifaðar skuldir upp á jafnvel 5.000 milljónir auk þess að hafa fengið lán hjá Landsbankanum gamla á vildarkjörum hjá Björgólfunum.      Satt eða ósatt?      Neitun er ekki nóg - þetta þarf hlutlaus aðili að staðfesta að sé ósatt.     Þú ert hins vegar ekki einn á báti, síður en svo!     Það er engan veginn nóg að Sif Friðleifsdóttir segist ekkert hagstætt lán hafa fengið upp á 75 milljónir til að kaupa hlutabréf í deCODE, það þarf staðfestingu á að þetta sé ekki rétt, neitun ein dugar ekki!    Þorgerður Katrín hefur staðfastlega haldið fram að engar skuldir þeirra hjóna hafi verið afskrifaðar en samt liggur í loftinu sá orðrómur að verið sé að gera það.     Hér duga engar sögur um veikindi barna til að dreifa athyglinni, málið er að Kristján fékk hlutabréf - skuldin var færð í eignarhaldsfélag og nú eru þær e.t.v. að hverfa - og enn starfar Kristján sem yfirmaður, nú  í nýja bankanum! Er það eðlilegt?   Hvað er að gerast - er verið eða er búið að afskrifa skuldir yfirmanna Landsbankans?      Fá aðrir að njóta þess sama?     Meðan þessum spurningum er ekki svarað eru Gróusögurnar réttmætar og uppi á borðinu.    Afsannið þær með því að leggja spilin á borðið!    Hér hafa 3 þingmenn verið nefndir til sögunnar en vafalaust mætti nefna fleiri.     Það verður að gera greinarmun á almenningi og ykkur sem eruð þjóðkjörnir og eigið að bera ábyrgð samkvæmt því.   Kjörnir þingmenn eiga eiga að vera bundnir af samvisku sinni einni saman en ekki þjónkun við auðvald eða flokka og allra síst að misnota aðstöðu sína sér til framdráttar.             

Til mótmælenda: Sækja þarf að þingmönnunum!

Það eru engir veikir hlekkir í þessari ríkisstjórn, hún er án kunnáttu, án ábyrgðar og allir ríghalda í stólana sína!    Það er nákvæmlega sama hvaða spillingarmál koma upp, allt er utan ábyrgðar ríkisstjórnarinnar.     Eitt er þó alveg víst, RÍKISSTJÓRNIN SITUR Í ÁBYRGÐ ALLRA ÞINGMANNA, stjórnarliða jafnt sem stjórnarandstöðu.   Þeir aðstoða hana dyggilega við alla handarbakavinnuna og virðast hvorki skeyta um skömm eða heiður, hvort stjórnarskráin sé virk eða ekki eða hvort lögin stangist á við hana.   Mikill asi er á öllu núna og maður veltir fyrir sér hvort sjái fyrir endann á gagnaeyðingunni og ráðamenn séu að verða komnir í öruggt skjól eða hvort einhver önnur ástæða sé fyrir flýtinum.    

Eftir hið augljósa áhrifaleysi mótmælanna fyrstu tvær til þrjár vikurnar fannst mér augljóst að það þyrfti að sækja á öðrum vígstöðvum,  nefnilega að þingmönnum.    Það þarf að fá að vita hvort þeir taka ábyrgð á öllum þeim ósóma sem upp hefur komið og fá að vita skýrt og greinilega hvað þeir ætla að gera í einstökum málum.     Einfaldast er að taka hús á þingmönnunum - þetta gera Vottar Jehóva og er ekki leiðum að líkjast þar.     Mér finnist hæfilegt að það fari svona 10-15 manns í hóp á hvern þingmann - með segulbandsupptökutæki eða videovél og spyrji þá um hvað þeir ætli að gera.     Það má t.d. byrja á starfsemi FME, hvort þeim finnist eðlilegt að KPMG var sett til að skoða Glitni, hvort það sé eðlilegt að það taki KPMG 2 mánuði að uppgötva að þeir voru vanhæfir frá byrjun, hver eigi að borga fyrir þessa 2 mánaða endurskoðunarvinnu og hvort ekki megi út frá þessu máli öllu álykta að forstjóri og yfirmenn FME valdi ekki starfi sínu og eigi að hætta.     Síðan verður að sjálfsögðu að spyrja þingmanninn hvað hann ætli að gera eða hvort hann ætli ekki að gera neitt.

Svona - eða miklu betur - mætti taka svona 2-3 mál önnur og fá afstöðu þingmannanna og væntanlegar aðgerðir þeirra.      Ef t.d. þingmaður viðurkennir vanhæfni stjórnar FME er honum ekki stætt á öðru en flytja eða styðja tillögu um brottrekstur stjórnenda FME úr starfi.

Þá er afstaðan til eftirlaunafrumvarpsins ekki síður mikilvæg að fá fram.      Frumvarp ríkisstjórnarinnar er reyndar ekki komið fram en það má spyrja hvernig þingmönnunum falli frumvarp VG í geð og hvort þeir styðji að það komist úr nefnd og til 2. umræðu.

Ég held að þetta sé eina leiðin til að brjóta niður varnarmúrana - að þingmenn verði að sýna fyrir hvað þeir standa og að þeir séu ekki bara gólftuskur ríkisstjórnar sem situr í óþökk flestra.       

 

          

Kátt í höllinni!

 Mikið lifandis skelfing verður maður seinhugsandi - ég segi ekki vitlaus með aldrinum!    

Nú ætla ég að reyna enn og aftur að setja inn mynd sem mér hefur alltaf þótt gaman af að hafa við höndina til að geta bent Framsóknarmönnunum vinum mínum hvað þeir eiga/áttu greiða leið á toppinn.

 

 

 

 

 

 

Svo vil ég bæta við hljóðskrá til upprifjunar á hinni rökþrota sókn Steingríms J. á hinn ávallt ósnertanlega Davíð!!!!

  sjsumdostutt.mp3

Já Þá var nú kátt í höllinni!

Ragnar 

Skrár tengdar þessari bloggfærslu:

• sjsumdostutt.mp3

Niðurfelling skulda alþ.m.

Hvenær má satt kyrrt liggja, hvenær á að leita staðfestingar á grun?

Ég sá "tjásu" um þetta í Trésmiðju Illuga J.   og finnst það ekki ótrúlegra heldur en að búið sé að bjóða útgerðamönnum niðurfellingu á 67 % af lánum þeirra í erlendri mynt  - þ. e. að þeir þurfi aðeins að borga eftir gömlu og góðu gengi!      Væri það þá ekki eftir öðru að þingmannaskuldir væru felldar niður?     Þetta eru jú menn í óöruggri vinnu og gætu lent á atvinnuleysisbótum eftir kosningar!    Þetta mundi líka skýra hið dæmalausa aðgerðarleysi þeirra undanfarnar vikur.      Hefur einhver heyrt af þessu?????

Hvort sem þetta er satt eða ekki þá þarf að koma því svo fyrir í framtíðinni að fjármál þingmanna og annarra æðstu yfirmanna stofnana, t.d. ráðuneytisstjóra, seðlabankastjóra, og seðlabankastjórnar sem og æðstu menn fjármálaeftirlits séu opinber, þ.e. gera þurfi grein fyrir þeim ef eftir er sótt (samanber Árna Matt).     Þá ætti að taka af þeim félagafrelsið og banna þeim að vera frímúrarar!

Viðbót kl. 16oo, 13/12, 2008 :   Sjá Skorrdalsblogg

  Ragnar 

Sala Kaupþing banka Luxembourg

Það kom frétt frá RUV um að Skilanefnd Gamla Kaupþings banka segðist ekki eiga neitt  í bankanum í Luxembourg og hefði engan aðgang að honum.     I hvers umboði var maðurinn sem kom í sjónvarpið (RUV) í gær með eina evru og sagði að bankinn sjálfur kostaði nú ekki mikið, bara eina Evru, en svo væru einhverjar kvaðir og skuldir?

Hvaða maður var þetta, bankastjórinn eða umboðsmaður ríkisstjórnarinnar hér eða jafnvel umboðsmaður ríkisstjórnar Luxembourg?       Þetta er nú víst gæðaríkisstjórn þarna og mjög vinsamleg - Geir sagði á Alþingi að langbest væri að selja fyrst bankann því okkur vantaði peninga en svo væri enginn vandi að semja um að fá að kíkja í bókhaldið seinna.     Snilldar samningamaður Geir - við þekkjum það frá ICESAVE!!!

Sjá frétt DV 9/12 2008: Kaupþingssala spillir rannsókn.)

PS. Ég kann ekki að skrifin tengja við fréttina!!!!!

Ragnar 

Brennum ?

Nú er sannarlega úr vöndu að ráða!     Ólæti eru ekki liðin á Alþingi, Egill Helgason, Baldur McQueen og margir fleiri eru að gefast upp, sumir að flýja land, aðrir þagna.     HVERNIG EIGINLEGA Í ÓSKÖPUNUM ER HÆGT AÐ MÓTMÆLA ÞANNIG AÐ ÞAÐ FINNIST, SJÁIST OG VIRKI???    Það má ekki nota ofbeldi, það má ekki skemma eigur saklauss fólks (þó búið sé að koma meirihluta eigna þjóðarinnar fyrir kattarnef), það má ekki svína út Alþingishúsið, ekki einusinni með eggjum því við þurfum sjálf að borga hreinsunina!  En þó að stjórnvöld séu að sjá til að flestu sem eftir er verði stolið um jólin skal halda upp á hátíðina eins og ekkert sé - stór jólatré og alles - fínt?   Stjórnvöld hlusta ekki á nein mótmæli svo það verður að beina mótmælunum að þjóðinni sem er vonlaus, m.a. að mati ofannefndra bloggara!    

Ég er með eina tillögu:    Kaupa  smokk,   setja í hann um hálfan líter af dieselolíu og binda vel fyrir!      Fara með hann niður á Austurvöll eða annars staðar þar sem JÓLATRÉ  er á opnu svæði.     Henda smokknum í tréð þannig að hann springi og olíuberi tréð.     Kveikið í.     Ornið ykkur við eldinn þar til lögreglan kemur og handtekur ykkur!       Neitið allri sekt!      

Kveðja,

Ragnar    

Eru glæpamenn í LUXembourg líka

Var að horfa á seinni part Silfurs Egils,  lokaorð Jóns Steinssonar frá USA : "Ég er hræddur um að þeir sem valist hafa til að semja um sölu eigna bankans viti ekkert hvað þeir eru að gera og láti (þjófana) plata sig upp úr skónum"   Þetta er ekki alveg orðrétt en meiningin nærri lagi!   Hann var áður búinn að lýsa því að þar sem almennileg lög giltu um verðbréfaviðskipti væru menn sem stunduðu þau eins og hér tíðkast umsvifalaust settir í járn enda oft um beinan þjófnað að ræða (en því miður löglegan hér).

Þá skaut niður í huga minn Kaupþing Banka í Luxembourg.    Hann er enn í eigu Gamla Kaupþings en þar gengur maður undir manns hönd að selja hann!      Af hverju?      Sigurður Einarsson er einmitt dæmi um mann eins og Jón Steinsson var að lýsa, mann sem kann alla klækina, þekkir fyrirtækið, þekkir samningaliðið og platar alla upp úr skónum.     

Ofan á þetta bætist svo að bankinn í Lux hefur aldrei komist í hendur íslendinga.    Það var annað hvort ríkið eða seðlabankinn í Lux sem yfirtók hann og frá þeim kemur sú yfirlýsing að ekkert athugavert hafi verið við millifærslur eða annað í bankanum!       ÞURFUM VIÐ AÐ TRÚA ÞVÍ????     Luxembourg er land  vafasamra bankaviðskipta og má vera að þeir vilji ekki hleypa okkur undir yfirborðið þarna af ótta við að eitthvað sjáist sem á að vera hulið!     Var Sigurður ef til vill að aðstoða þá við að finna það út að ekkert gruggugt væri í pokahorninu?

Mér finnst að áður en þessi banki er seldur eigi Ingibjörg Sólrún sjálf að fara út með vaskt lið heiðarlegra og glöggra bankamanna og krefjast þess að fá að skoða bókhald Kaupþing Banka í Luxembourg - eigandinn hlýtur að mega skoða eign sína!!

Ragnar